#移民故事 #canadaimmigration #加拿大
喺香港出世嘅Daphne，中一時同埋家人移民溫哥華，一住多年；5年前搬咗去講法文嘅魁北克省，重新適應，背後全憑一個「愛」字。
「我去馬丘比丘旅行時，喺山上缺氧，係佢救我……」秘魯著名旅遊景點、有「天空之城」稱號嘅馬丘比丘，正係Daphne同男友邂逅嘅地方，從「救命之恩」嘅浪漫情節開始，兩人相戀。亦因為愛，Daphne決定從溫哥華移居魁北克，「嗰度主要講法文，環境、文化同溫哥華都好唔同；我每年都會返溫哥華探親，見到落雨好開心，因為魁北克只會落雪」，跳咗鋼管舞7年嘅Daphne笑言，去咗魁北克先知真正冬天係點，「好凍，-28度，真係好凍！如果要出街，就係著滑雪裝出街」。
有冇歧視問題？「攞到passport就係加拿大人。」喺魁北克學咗兩年法文、努力融入當地生活嘅Daphne，強調加拿大人特點就係無分彼此、樂於助人；而上年開始，亦多咗香港人問魁北克嘅房地產事宜。不過，魁北克基本上冇中菜、冇得飲茶，就令Daphne若有所失，惟有自己學整中菜；好在法國菜足夠好味去填補佢心靈空虛，Daphne仲有幾樣必食推介添～
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
住加男人YouTube及Patreon會員專享獨家直播及Discord對話區
Patreon會員：
YouTube會員：
PayPal單次支持住加男人：
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
「住加財經」全新加港財經資訊頻道
「住加男人」Facebook專頁
「住加男女」Facebook群組分享加港資訊及新聞
